اسٹاک ایکسچینج جلہو نا ڈٹ ڈَول بھارت اٹ سجفنگا، عمران خان

اسلام آباد (مانیٹرنگ ڈیسک) وزیراعظم عمران خان پارینے کہ پاکستان اسٹاک ایکس چینج جلہو اٹ بھارت اختہ ءِ۔ ہچ ءُ شک اس اف کہ اسٹاک ایکسچینج آ جلہو نا ڈٹ و ڈول بھارت اٹ سجفنگا۔ قومی اسمبلی آن تران اٹ وزیراعظم پارینے کہ دہشتگرد آتا ڈٹ بندی پاکستان اسٹاک ایکسچینج نا ملازم آتے یرغمال کروئی ئس۔ او پارینے کہ ای تینا ہیرو سب انسپکٹر افتخار، خدا یار، حسن علی ءِ خراج تحسین پیش کیوہ، دا ہیت اٹ ہچ ءُ شک اس اف کہ دا بھارت نا کُنڈ آن مسنے، نن دہشت گردی نا 4 منصوبہ غاتے بے سہب کرینن، 2 اسلام آباد نا ماس آ دہشتگردی نا منصوبہ ئسر، انٹیلی جنس ادارہ غاتے ہم خراج تحسین پیش کیوہ، وزیراعظم عمران خان مستی پارینے کہ کنے لاک ڈاون نا بابت اٹ تنقید کننگا، نن کورونا ایس اوپیز نا رداٹ زرگزران ءِ ملان، لاک ڈاون اٹ دیہاڑی کروک آ تپہ زہمی مسکہ، نن اسمارٹ لاک ڈاون ءِ مون آ ایسن تانکہ زرگزران چلینگ کننگ کے۔ او پارینے کہ اگہ کنے آن ہرفریرہ تو اسُل سخت لاک ڈاون کننگ کن ہلیتوٹہ تا۔ اینو دنیا اسمارٹ لاک ڈاون نا کنڈآن ہنانے، ننے داسہ ہم معاشی وڑ اٹ کیہی چیلنج آک دوئی ءُ۔ عمران خان پارینے کہ پاور سیکٹر نا مچ آ قرضہ غاک مالو نا حکومت آتا ءُ، پی آئی اے دنیا نا جوان انگا ایئر لائن ئس، پی آئی اے ٹی داسہ مافیا اس تولوک ءِ، 11 سال آتیٹی 10 وار پی آئی اے نا کماش بدل مس۔