پاکستان فٹبال فیڈریشن نا لاک ڈان آن زہمی فٹبالر تا کمک نا فیصلہ

اسلام آباد (مانیٹرنگ ڈیسک) پاکستان فٹبال فیڈریشن (پی ایف ایف) لاک ڈان آن زہمی فٹبالر آتا کمک نا فیصلہ ءِ کرینے۔ سیکرٹری پی ایف ایف منیزے زینلی نا رداٹ فیفا نا ریلیف گرانٹ آن پلیئرز ریلیف فنڈ تننگ نا ارادہ ارے، فیفا آن فارورڈ پروگرام ما فنڈ آتے کاریم اٹ اتنگ نا موکل رسینگانے۔ او پارینے کہ فیفا نا خاص انگا گرانٹ منظور مس، دا گرانٹ آن پلیئر آتے ریلیف ایتنہ، پنچ لکھ ڈالر نیاڑی فٹبال کن ملرہ۔ منیزے زینلی نا رداٹ گوازی گرتا کمک نا وڑ و ڈول آ نارملائزیشن کمیٹی کاریم کننگ اٹی ءِ، پی ایف ایف سیکرٹری جنرل پارینے کہ کنا اُست خواہی ءِ کہ ہراتم اسکان اریٹ، فٹبال نا جوانی کن کاریم کرسا کیو، ساف نا دیوان اٹ اسٹ انگا نیاڑی بشخ ہلنگ کنکن اعزاز نا ہیت اسے۔