نوشکے‘ صحافیک زمواری اٹ رپورٹنگ کرسا الس و حکومت نا نیام اٹ پول انا کڑد ءِ ادا کیرہ‘ثوبان سلیم دشتی
Get real time updates directly on you device, subscribe now.
نوشکے (تلار حوالکار) صحافیک زمواری اٹ رپورٹنگ کرسا الس و حکومت نا نیام اٹ پول انا کڑد ءِ ادا کیرہ‘ سنسنی خیزی کپننگ و راستکی تیا ساڑی رپورٹنگ کننگ آن کسبی صحافیک درست مریرہ۔ نوشکے پریس کلب نا صحافی تا کارکڑد ستا کڑزرک‘ کورونا نا برخلاف قومی جنگ اٹ صحافی برادری ہم فرنٹ لائن آ تینا زموری تے پورو کننگ اٹی ءِ۔ دا خیال آتا درشانی ءِ اسسٹنٹ کمشنر نوشکے ثوبان سلیم دشتی‘ ڈی ایچ او ڈاکٹر فرید احمد‘ پی پی ایچ آئی نا ڈی ایس ایم مجیب بلوچ اسک پریس کلب نوشکے نادورہ ناوخت آ صحافی تتون ہیت وگپ کرسا کریر‘ او پاریر کہ راج اٹ صحافت و صحافی تا کڑد اہم ءِ‘ وار وار آ بدل مروک دنیا نا حالیت و واقعہ غاتیان معلومدار کننگ‘ الس اٹ حق و فرض انا احساس ترفنگ و حکومت والس نا نیام اٹ پول انا کڑد ادا کننگ کن صحافی تا کڑد ستا کڑزک۔ دا وخت آ صدر پریس کلب حاجی طیب یلانزئی‘ سینئر صحافی حاجی سعید بلوچ‘ ایم ابراہیم بلوچ وایلوفک پاریر کہ نوشکے پریس کلب نا باسک آک مدام راستکی تے مون آ تخساالس ناویل آتے پرنٹ و الیکٹرانک میڈیا ٹی پاش کرسا بڑزکو کمامدار آتسکان سر کننگ نا کوشست کرینو۔