سینٹر فار پیس اینڈ ڈویلپمنٹ ناکنڈآن کورونا شعور و آگاہی پروگرام نا رد اٹ رکھی ماسک بشخنگا
Get real time updates directly on you device, subscribe now.
نوشکے (تلار حوالکار) غیر سرکاری ادارہ سینٹر فار پیس اینڈ ڈویلپمنٹ ناکنڈآن ہندی صحافی و ایلو ہر تپّہ غان تعلقدار بندغ آتے ٹی کورونا شعور و آگاہی پروگرام نا رد اٹ رکھی ماسک بشخنگا۔ سی پی ڈی نا ڈسٹرکٹ کوآرڈینیٹر حاجی سعید بلوچ صحافی تے پارے کہ کورونا اسہ بھاز خطرناک و کسفوک ءُ ناجوڑی سے ہراڑان ہر حال اٹ تینا رکھ ءِ کننگے‘ اگہ بندغ آک رکھی گام گیج کتوس تو دانا نتیجہ بھاز خراب مریک‘ ہر تپّہ نابندغ آک بایدے حکومت ناکنڈآن تروک پارت و ایس او پی تیا سختی اٹ عمل کیر‘ بندغ آک تینے و تینا خاہوت ءِ دا ناجوڑی آن بچفر‘ سٹی آ مچی و پبلک ہند آتیا ہنپس‘ بیدس المی کاریم تیان سفر کپس۔ داوخت آ ڈسٹرکٹ ہیلتھ آفیسر صاحبزادہ ڈاکٹر فرید احمد‘ اسسٹنٹ کمشنر ثوبان دشتی‘ ڈی ایس ایم پی پی ایچ آئی مجیب بلوچ ہم ساڑی ئس۔ داکان پد السی وراجی تپّہ غاک سی پی ڈی ناکنڈآن کورونا نابابت رکھی ماسک بشخنگ‘ بروشر و بینر خلنگ آ اونا منت ءِ ہرفیر۔