مستونگ نا لوکل ڈومیسائل آ بھرتی مروک 400ملازم نا سَند آتے منسوخ کننگا
Get real time updates directly on you device, subscribe now.
کوئٹہ (خ ن) ڈپٹی کمشنر مستونگ محبوب احمد بلوچستان نا کوٹہ غا بنجائی محکمہ غاتے ٹی ضلع مستونگ نا لوکل ڈومیسائل آ بھرتی 400 ملازم نا پک مفروک لوکل ڈومیسائل ءِ منسوخ کرے‘ ڈپٹی کمشنر مستونگ نا دفتر آن جاری کروک بیان نارد اٹ ضلع مستونگ آن تعلقدار بنجائی حکومت نا 400 ملازم نا پک مفروک لوکل ڈومیسائل سرٹیفکیٹ ءِ منسوخ کننگانے‘ ہرافک بلوچستان نا ملازمت نا کوٹہ غا چندی بنجائی محکمہ و ایلو ادارہ غاتے ٹی ملازمت کننگ ءُ‘ دا 400 ملازم ءِ چار وار اشتہار جاری کننگا ولے او ڈومیسائل پک کننگ کن ڈی سی نا دفتر اٹ پیش متوس‘ ہندا غٹ ءِ نوٹس ہم جاری کننگا و اوفتے ڈہ تننگ کن تعلقدار محکمہ غاتیا چٹھی راہی کننگا ولے داکان پد ہم دا ملازم آک ڈی سی نا دفتر اٹ پیش متوس ہرانا سوب آن دا کل انا ڈومیسائل آتے منسوخ کننگانے و دا رد اٹ مستی کارروائی کننگ کن محکمہ داخلہ ٹی اے ڈیپارٹمنٹ حکومت بلوچستان آ چٹھی راہی کننگانے۔