وطن نا دفاع کن سلہہ بند فوج انا قربانی تیا گمر کینہ، پارلیمنٹرین
Get real time updates directly on you device, subscribe now.
اسلام آباد (اے پی پی) پارلیمنٹ نا باسک آک 6 ستمبر 1965ء آ وطن نا دفاع کن پاک فوج انا کڑد ءِ سلام پیش کرسا پاکستان نا سلہہ بند فوج وطن نا سیم تا رکھ، پاکستان نا بقاء سلامتی کن تیار ءُ، اینو اسہ وار ولدا دا جوزہ نا گرج ءِ ولے پاکستان ءِ سوگو و شونہا ملک اس جوڑ کننگ کین۔ جمعہ نادے آ اے پی پی تون گپ وتران کرسا مسکوہی وزیر مملکت حوالکاری و شینکاری و مسلم لیگ (ن) نا باسک قومی اسمبلی محسن شاہنواز رانجھا پارے کہ 6 ستمبر 1965ء آتاریخ اس ہلان و نن نا تہاری ٹی جلہو گیر مروک آ دشمن ءِ دے انا استارتے نشان تسن۔ پاکستان نا دفاع رکھ انگا دوتیٹی ءِ۔ ننا سلہہ بند فوج وطن نا دفاع کن تیار ءُ و دا مچ آ ڈیہہ اٹی ملکی دفاع کن بست وبند و سٹریٹجی ٹی غٹ ڈیہہ انا ملک آتیکن اہم ءُ ہند اسے۔ ایران پاکستان تعلقداری، اوغان پاکستان تعلقداری، سیم تا رکھ انا بابت پاک فوج انا کڑد انا اعتراف ءِ۔ پاکستان نا سلہہ بند فوج اناکڑد ءِ جہانی کہول آ امنا کننگک۔