دنیا نا تیز انگا بندغ کورونا نا گواچی مس
Get real time updates directly on you device, subscribe now.
امریکہ (مانیٹرنگ ڈیسک) جہانی پنی آ اسپرنٹر او پنی آ ایتھلیٹ یوسین بولٹ نا کورونا ٹیسٹ مثبت بس۔ قطبی امریکہ نا ملک جمیکا آن تعلق تخوک آ یوسین بولٹ کورونا ٹیسٹ نا مثبت بننگ آ تینے (سیلف آئسولیشن) کرینے۔ 8 وار نا اولمپک گولڈ میڈلسٹ او دنیا نا ترند انگا انسان پاروک آ یوسین بولٹ منہ وخت مُست تینا 34 میکو سال دے ءِ اڈ تس۔ یوسین بولٹ نا سال دے انا دود اٹ پنی آ ویسٹ انڈین گوازی گر کرس گیل ہم اوار ئس ہرافک دود اٹ بشخ ہلنگ آن پد تینا ٹیسٹ ءِ کرفیسر ولے او منفی بسوسُس۔ بولٹ تینا بیان اٹ پارینے کہ او ہچ ءُ نشانی اس محسوس کننگ اٹی اف ولے او پورو وڑاٹ پام کننگ اٹی ءِ او ہرا بندغ آک کنتون رابطہ ٹی ئسر اوفک ہم پام انا سوب آن تینا تینا ٹیسٹ آتے کرفر۔