لخدمت فاؤنڈیشن نا چوری تا ولفنگ پروگرام ستا کڑزک‘اورنگزیب بادینی
Get real time updates directly on you device, subscribe now.
کوئٹہ (آن لائن) ڈپٹی کمشنر کوئٹہ میجر (ر) اورنگزیب بادینی پارینے کہ الخدمت فاؤنڈیشن نا چوری تا ولفنگ پروگرام ستا کڑزک ودا انسانیت ءِ بچفنگ نا پروگرام اسے‘ چوری تے ولفنگ‘ اوفتے خوانفنگ و اوفتے راجی اخلاقی گندہ ئی تیان بچفنگ کن تعلیم وہیلکاری تننگ دنیا و آخرت نا جوان ءُ کاریم اسے‘ دا دینی فرض ءِ پورو کننگ آ نن الخدمت فاؤنڈیشن ءِ سلام کینہ و راجی آسودہی تنظیم تتون اوار حکومتی ادارہ غاتے داسہ دا وڑ انا جوان انگا پراجیکٹ آتے ٹی الخدمت تون کمک کروئی مریک‘ چوری آ چناتا دا احساس تننگانے کہ او خوانسا راج انا جوان ءُ بندغ جوڑ مننگ کیرہ۔ دا خیال آتا درشانی ءِ او الخدمت فاؤنڈیشن کفالت یتاما پراجیکٹ نا رد اٹ چوری آچناتیکن اڈ تروک فن مصوری ومضمون نویسی نا گو انا دود آن تران کرسا کرے۔