پرتگال‘ جعلی پاسپورٹ آ سفر نا دوبہ ٹی دزگیر برازیلی فٹبالر رونالڈینو یلہ مس

لزبن(مانیٹرنگ ڈیسک) پرتگال اٹ جعلی پاسپورٹ آ سفر نا دوبہ ٹی دزگیر برازیلی فٹبالر رونالڈینو ءِ یلہ کننگا۔ پرتگال نا عدالت جہانی پنی آ فٹبالر ءِ تینا ملک آ ہننگ نا موکل تس، رونالڈینو ءِ نو ہزار ڈالر ڈنڈ انا سزا تننگانے ہرافتے خیراتی ءُ ادارہ سے تننگک۔ رونالڈینو ءِ پیراگوئے نا دارالحکومت آسنسیون نا ہوائی اڈے آ جعلی سفری دستاویز آتیا سفر کننگ نا دوبہ ٹی دزگیر کننگاسُس۔ یات سلے کہ رونالڈینو قید اٹی تینا 40 میکو سال دے ءِ 21 مارچ آ اڈ تسوسُس، رونالڈینو ءِ برازیل نا جوان انگا فٹبالر تیان اسٹ اس تکنگک۔ او برازیل ءِ 2002 ٹی فٹبال نا ورلڈکپ ءِ کٹنگ اٹ اہم ءُ کڑد اس ادا کریسُس۔