وزیراعلیٰ نا کوئٹہ نا الس نا آسراتی کن کمپلینٹ پورٹل اس جوڑ کننگ نا پارت

کوئٹہ (اے پی پی) وزیراعلیٰ بلوچستان جام کمال خان آزمائشی بنداو تیا الس کن پولیس کوئٹہ میٹروپولیٹن کارپوریشن و السی خذمت آتا فراوانی نا ایلو ادارہ غاتا کارکڑد نا بابت آن لائن کمپلینٹ پورٹل اس جوڑ کننگ نا پارت کرینے ہرانا مسخت الس ءِ تینا غاوتا براہ راست مجاز کمامدارآتسکان سرکننگ نا آسراتی نا فراوانیءِ، وزیراعلیٰ ڈیلیوری یونٹ نا کارکڑد و باندات آتا بابت تروک آ حوال کن سے شنبے نادے اڈ ہلوک آ دیوان اٹی وزیراعلیٰ پارے کہ وزیراعلیٰ ڈیلیوری یونٹ نا جوڑ کننگ نا مسخت حکومتی نظام ءِ پدریسہ ای گورنس نا کنڈآدننگ نا ءِ ہراڑان حکومتی باندات آتا گچین و ترند گام انجام تننگ ممکن مریک و محکمہ غاتا کارکڑدنا چاروکی نا کمک اٹ اودے گچین کننگ ممکن مننگ کیک، وزیراعلیٰ سی ایم ڈی یو نا رداٹ جوڑ فائل ٹریکنگ سسٹم ءِ ڈویڑن و ضلع غاتسکان ودفنگ نا ہم پارت کرے، وزیراعلیٰ پارے کہ راجی رابطہ غاتا ویب سائٹ رابطہ غاتا آسان و ترند آ کسر ءِ، ہراڑان نئے بیرہ نن تینا کلہو ءِ دمدستی و گچین وڑاٹ الس اسکان سرکننگ کینہ بلکن السی ویل آتیان آگاہی ہم دوئی کرسا اوفتا ایسری کن گام گیج کننگ کینہ وخت اس کہ بلوچستان نامثبت تاثر و تینا وسیلہ غاتے دنیا نا مون آ پیش کننگ کینہ، وزیراعلیٰ ڈیلیوری یونٹ نا کارکڑد انا ستاءِ کرسا دادے پین ودفنگ نا ہم پارت کرے۔ اوپی ایس ڈی پی آٹومائیزیشن و مانیٹرنگ سسٹم، بلوچستان ڈیٹا سینٹر نا جوڑ کننگ و ڈسٹرکٹ اٹلس نا تیاری نا ڈٹ آتا زوت پوروی نا پارت ہم کرے۔ وزیراعلیٰ کوویڈ۔ 19 اٹ کاریم کروک آ منشاکارتا است بڈی ءِ کننگ کن اوفتے سفتی سند تننگ نا پڑو ءِ ہم کرے، داوخت آ وزیراعلیٰ ءِ ڈیلیوری یونٹ نا جاری ومجوزہ افعال نا بابت حوال تننگاہرافتے ٹی کوویڈلیب ٹیسٹ مینجمنٹ سسٹم، ڈیٹامینجمنٹ سسٹم، کال سینٹر، ہیومن ریسورس مینجمنٹ سسٹم و بلوچستان عوامی انڈومنٹ فنڈ مینجمنٹ سسٹم اوار ءِ۔