ضلع لورالائی ٹی آبی وسیلہ تا رکھ، کشاری شونداری و زرگزرانی شونہالی کن اہم ءُ پیش رفت اس مونی بس
لورالائی، ضلع لورالائی ٹی آبی وسیلہ تا رکھ، کشاری شونداری و علاقہ نا زرگزرانی شونہالی کن اہم ءُ پیش رفت اس مونی بسنے؛ مارہ تنگی ڈیم (Mara Tangi Dam) نا تفنگ نا تجویزی ڈٹ ءِ بنجائی پبلک سیکٹر ڈویلپمنٹ پروگرام (PSDP) برائے مالی سال 2026-27ء اٹی اوار کننگ نا رِد اٹ محکمہ آبپاشی بلوچستان نا کنڈ آن عملی پیش رفت برجا ءِ؛ دا چرجوئی اٹی سپرنٹنڈنگ انجینئر (SE) لورالائی ڈویژن سیکرٹری حکومتِ بلوچستان محکمہ آبپاشی جناب سہیل الرحمٰن ءِ ڈٹ نا رِد اٹ اسہ پُروقی و سرجم ءُ پریزنٹیشن اس پیش کرے؛ پریزنٹیشن نا نیام اٹی مارہ تنگی ڈیم نا تفنگ نا گرج و اہمیت، ڈٹ نا جتا پہلو تا و اونا آخبت نا افادیت آ روشنائی شاغنگا؛ دا وخت آ ڈٹ ءِ بنجائی پی ایس ڈی پی 2026-27ء اٹی اوار کننگ نا رِد اٹ تعلقدار باندات آک ہم زیرِ بحث بسر۔