پاکستان نا ہندو برادری ننا قومی تشخص نا شرف کڑزوک بشخ اسے،وزیراعظم محمد شہباز شریف

اسلام آباد، وزیراعظم محمد شہباز شریف پارینے کہ پاکستان نا ہندو برادری ننا قومی تشخص نا شرف کڑزوک بشخ ءِ۔ ملک انا راجی، ربیدگی، اقتصادی شونداری ٹی ہندو برادری نا خذمت آک ستا کڑزرہ۔ راج اٹی وڑ پہ وڑ ربیدگی و مذہبی روایت آک شرف کڑزوک راجی میرات ءُ۔ پاکستان تینا مذہبی و ربیدگی وڑ تیا گمر کیک۔ ہندو تا مذہبی تہوار دیوالی آ تینا کلہو اٹی وزیراعظم شہباز شریف پارے کہ اینو ہندو تا مذہبی تہوار دیوالی انا خوشی ناوخت آ مچ آ دنیا خاص وڑ اٹ پاکستان اٹی ہنکینی ہندو برادری ءِ است انا ہُب اٹ مبارکبادی و نیک استخواہی تا درشانی ءِ کیوہ۔ وزیراعظم پارے کہ دا تہوار خار، بے سگی و نااومیتی نا تہاری تیا روشنائی نا غالب بننگ نا یات ءِ ترفک۔ روشنائی تا دا عئید انا کلہو اصل اٹ انسانی و راجی کڑدار اٹی پُر امن زند انا شون تننگ ءِ۔ روشنا، شونہال و اومیتی آخبت نا پت دیوالی نا جوان انگا صفت ءِ۔ پاکستان نا ہندو برادری ننا قومی تشخص نا شرف کڑزوک بشخ ءِ۔ ملک انا راجی، ربیدگی، اقتصادی شونداری ٹی ہندو برادری نا خذمت آک ستا کڑزرہ۔ وزیراعظم پارے کہ راج اٹی وڑ پہ وڑ ربیدگی و مذہبی روایت آک شرف کڑزوک راجی میرات ءُ۔ پاکستان تینا مذہبی و ربیدگی وڑ آ گمر کیک۔ وزیراعظم پارے کہ آئینِ پاکستان اقلیت آتا مذہبی، شاری حق آتا رکھ انا باور کرفک۔ حکومت بیدس مذہب و عقیدہ و رنگ و نسل کل شاری تا حق، وقار و مذہبی آجوئی تا رکھ اکن سنبرینگوک ءِ۔ مذہبی ہم آہنگی، تین پہ تینی سیوت و شرف انا شون ننا اسیجائی زمواری ءِ۔