پاکستان نا اولیکو خلا باز چینی خلائی اسٹیشن نا مشن آ راہی
Get real time updates directly on you device, subscribe now.
اسلام آباد / پاکستان و چین نا نیام اٹ خلائی جاست پاست و سائنسی کمکاری نا بشخ اٹی اسہ پوسکن ءُ دور اسے نا بنا مننگ اٹی ءِ، ہراڑے پاکستان نا اولیکو خلا باز چین نا خلائی اسٹیشن نا مشن اٹی بشخ ہلیک۔ چینی خلائی ادارہ نا رِد اٹ پاکستانی خلا باز چین نا خلائی جہاز شینژو 24 نا کمک اٹ خلائی اسٹیشن آ سرہلیک و مشن ءِ پورو کننگ آن پد شینژو 23 نا کمک اٹ ڈغار آ پدی بریک۔ دا تاریخی پیشرفت ءِ ہڑتوم آ ملک آتا خلائی کمکاری ٹی اسہ اہم ءُ مزل نا نشان اس گوندنگ انگ ءِ‘ چائنا مینڈ اسپیس ایجنسی نا رِد اٹ دا چین نا خلائی پروگرام نا تاریخ اٹی چینی و پاکستانی خلا باز آتا اولیکو اسیجائی خلائی بالی مریک‘ ہرا ہڑتوم آ ملک آتا نیام اٹ سائنس، ٹیکنالوجی و خلائی جاست پاست نا بشخ آتیٹی ودوک آ کمکاری نا ڈیک ءِ۔