پی ٹی اے بلوچستان نا سندھ بلوچستان سیم آ ٹریفک کانود آتا خلاف ورزی کروک گڈز ٹرانسپورٹ نا برخلاف کارروائی
Get real time updates directly on you device, subscribe now.
جعفرآباد، صوبائی سیکرٹری ٹرانسپورٹ بلوچستان محمد حیات کاکڑ و سیکرٹری پی ٹی اے بلوچستان عبدالحمید جونیجو نا خصوصی پارت آ پی ٹی اے بلوچستان، ڈسٹرکٹ پولیس جعفرآباد و ٹریفک پولیس جعفرآباد قومی شاہراہ کوئٹہ سکھر سندھ بلوچستان سیم آ ٹریفک کانود آتا خلاف ورزی کروک گڈز ٹرانسپورٹ نا برخلاف کارروائی کرسا 14 گاڈی تا چالان کریر، وخت اس کہ 10 گاڈی تا مالک و ڈیور آتے وارننگ جاری کننگا۔ کارروائی نا وخت آ بے پرمٹ، فٹنس سرٹیفکیٹ، پک کروک آ روٹ انا خلاف ورزی و ایلو ٹریفک کانود آتیا عملدرآمد کپروک گاڈی تا چیکنگ کننگا۔ دا وخت آ تعلقدار کمامدار آک گاڈی تا روٹ پرمٹ، فٹنس سرٹیفکیٹ و ایلو المی دستاویز آتا جم جاچ ءِ ہلکر۔