کشمیری الس ءِ تینا آخبت نا فیصلہ ءِ کننگ نا حق تننگے، خالد مگسی
Get real time updates directly on you device, subscribe now.
اسلام آباد، بنجائی وزیر سائنس و ٹیکنالوجی خالد حسین مگسی پارینے کہ کشمیر نا ویل انا انصاف اٹ ایسری اقوام متحدہ نا تعلقدار قرارداد و کشمیری الس نا است خواہی تا رداٹ بایدے مرے، کشمیری الس ءِ تینا آخبت نا فیصلہ ءِ کننگ نا حق تننگے۔ کشمیر تہاردے انا وخت آ تینا کلہو اٹی اوپارے کہ 27اکتوبر 1947آ جموں و کشمیر آ بھارتی فوج انا کوزہ کشمیری الس نا تاریح نا اسہ تہار ءُ بشخ اسے۔ او پارے کہ دادے کشمیری الس نا جہد، قربانی و حقِ خودارادیت نا دوئی کننگ کن اوفتا نزور مفروک ارادگی نا یات ترفک۔ خالد حسین مگسی پارے کہ پاکستان کشمیری الس نا روا جہد و اوفتا بنداوی حقِ خودارادیت نا مخ تفی ءِ برجاتخک۔ پاکستان کشمیری الس نا سیاسی، سفارتی و اخلاقی مخ تفی کن سنبرینگوک ءِ۔ او جہانی برادری آ زور شاغا کہ او بھارت نا کانود آن چَپ کوزہ ٹی جموں و کشمیر اٹ انسانی حق آتا حالیت آتا نوٹس ءِ ہلے و کشمیری الس ءِ اقوام متحدہ نا قرارداد آتارداٹ تینا آخبت نا فیصلہ ءِ کننگ نا حق ترفنگ کن تینا کڑد ءِ ادا کے۔ بنجائی وزیر پارے کہ تہاردے کشمیر جہانی برادری کن کشمیری الس نا حقِ خودارادیت نا مخ تفی نا ارادگی ءِ پوسکن کننگ نا دے ءِ۔