ڈپٹی کمشنر وریندر نا کماشی ٹی کشمیری ایلم تتون یکجہتی کن تہار دے انا ریلی

نصیرآباد، ڈپٹی کمشنر وریندر لعل نا کماشی ٹی کشمیری ایلم تتون یکجہتی نا درشانی کن تہار دے ریلی اڈ تننگا۔ حوال نارد اٹ نصیرآباد اٹی کشمیری الس تون یکجہتی نا درشانی و مقبوضہ کشمیر اٹی بھارتی کوزہ نا برخلاف برانز ریکارڈ کرفنگ کن ڈپٹی کمشنر نصیرآباد وریندر لعل نا کماشی ٹی تہار دے انا ریلی اڈ تننگا‘ ریلی ٹی ایس ایس پی نصیرآباد، ضلعی محکمہ غاتا سروک، سرکاری افسر و ملازم، استاد، طالب علم و زند انا جتاجتا بشخ آتیان تعلقداربندغ آک بشخ ہلکر۔ ریلی نا شریدار آک بینر و پلے کارڈ ہرفیسر ہرافتیا کشمیری الس نا حقِ خودارادیت، آجوئی و اوفتتون یکجہتی نا درشانی تون تعلقدار نعرہ غاک نوشتہ ئسر۔ دا وخت آ شریدار آک‘کشمیر مریک پاکستان’ و ایلو نعرہ غاتے خلسا مقبوضہ کشمیر آ بھارتی کوزہ‘ کشمیری الس آ رکھ و اوفتا بنداوی حق آتا خلاف ورزی تا برخلاف برانز کریر۔