اسسٹنٹ کمشنر اُستا محمد نا کماشی ٹی کشمیری تتون یکجہتی کن ریلی
Get real time updates directly on you device, subscribe now.
اُستا محمد، ڈپٹی کمشنر اُستا محمد محمد رمضان پلال نا پارت آ کشمیری الس تون یکجہتی نا درشانی و بھارتی کوزہ نا برخلاف تہار دے انا وخت آ ایڈیشنل ڈپٹی کمشنر اُستا محمد محمد اسماعیل لاشاری و اسسٹنٹ کمشنر اُستا محمد ماریہ شمعون نا کماشی ٹی اسہ ریلی اس اڈ تننگا‘ ہراٹی ضلعی افسر، سرکاری ملازم و زند انا جتاجتا بشخ آتیان تعلقدار بندغ آک بھلو کچ اسے ٹی بشخ ہلکر‘ ریلی ڈپٹی کمشنر آفس اُستا محمد آن بنا کرے و تحصیل روڈ آن گدرینگسا ا ڈپٹی کمشنر آفس آسر مرسا ایسر مس۔ دا وخت آ شریدار آک کشمیری الس تون یکجہتی نا درشانی ءِ کریر و اوفتا حقِ خودارادیت نا مخ تفی ءِ کرسا دا ارادگی نا دوارگی ءِ کریر کہ پاکستانی قوم تینا کشمیری ایلم و ایڑھ تتون ہر مشکل ساہت اٹ سلوک ءِ۔