خیبرپختونخوا حالیت، وزیراعظم شہباز شریف و صدر آصف زرداری نا سلابت کن اوڑدہی نا گمان
اوڑدہی ٹی وزیراعلیٰ خیبرپختونخوا نا کنڈ آن لانگ مارچ نا باندات آ ہرفوک موقف و صوبائی باندات آتیا سلاہ کننگک
Get real time updates directly on you device, subscribe now.
اسلام آباد، تحریک انصاف نا لانگ مارچ نا باندات آ وزیراعظم شہباز شریف صدر آصف زرداری تون خیبرپختونخوا نا حالیت آ زوت دوارہ اوڑدہی نا فیصلہ کرینے و وزیراعظم و صدر نا نیام اٹی اوڑدہی ٹی خیبرپختونخوا نا جم سیاسی، آئینی و سیکورٹی حالیت نا جاچ ءِ ہلنگک حوالی نا رد اٹ وزیراعلیٰ خیبرپختونخوا نا کنڈ آن لانگ مارچ نا باندات آ ہرفوک موقف و صوبائی باندات آتیا سلابت کننگک‘ خیبرپختونخوا اٹی امن و ایمنی نا حالیت آ وزیراعظم صدر ءِ جم بریفنگ ایتک‘ حوالی نا رد اٹ صوبہ ٹی برجا سیاسی چک وتاڑ و لانگ مارچ نا گمانی زہم آ ہم سجفنگک‘ بنجائی حکومت و تحریکِ انصاف نا مذاکرات نا بے سہبی نا گمانی زہم آ سلاہ کننگک‘ حوالی نا رد اٹ مذاکراتی عمل اٹی پیشرفت مفننگ آ بروک آ سیاسی حکمت عملی ہم سجفنگک‘ حوالی نا رد اٹ خیبرپختونخوا ٹی گمانی آئینی گام گیج آتا کانودی و سیاسی پلو آتا جاچ ءِ ہلنگک‘ گورنر راج یا ایمرجنسی نا نفاذ تون اوار جتا جتا آئینی آپشن تیا وزیراعظم و صدر نا نیام اٹ سلابت نا گمان ارے‘‘ گورنر راج یا ایمرجنسی نا نفاذ تون تعلقدار پک فیصلہ ءِ وزیراعظم، صدر و سیوتیک امنائی سلاہ اٹ کیرہ۔ لانگ مارچ، صوبائی حکومت نا کڑد و امن و ایمنی نا حالیت ءِ مون آ تخسا بروک آ لائحہ عمل ءِ پک کننگک‘ حوالی نا رد ات خیبرپختونخوا ٹی آئینی آپشن کاریم اٹ اتنگ تون تعلقدار کل سیاسی و کانودی پلو آتیا سجفنگک‘ بنجائی حکومت نا کنڈ آن صوبہ ٹی امن و ایمنی ءِ برجا تخنگ کن گمانی گام گیج آتیا ہم سلاہ کننگک۔