سردار عبدالرحمن کھیتران نا استاد آتا جہانی دے آ استاد آتے خراجِ تحسین

کوئٹہ، سردار عبدالرحمن کھیتران استاد آتا جہانی دے آ مچ آ ملک خاص وڑ اٹ بلوچستان نا استاد آتے خراجِ تحسین پیش کرسا پارینے کہ استاد آک قوم انا آخبت ءُ۔ او پارے کہ تعلیم شونداری وشونہالی نا بنداوی شڑت ءِ وخت اس کہ استاد آتا خواری و راہشونی روشنا آخبت نا بنداو ءِ‘ بلوچستان نا شونداری کن آب اٹنگا تعلیم نا شون تننگ المی ءِ‘ و ہر چنا اسکان تعلیم نا رسینگ ءِ پک کننگ ننا اولیکو اولیت آتیٹی اوار ءِ‘ سردار عبدالرحمن کھیتران پارے کہ استاد طالب علم آتے بیرہ علم تفک بلکہ اوفتا شخصیت ءِ ہم جوڑ کیک۔ استاد آتے المی آسراتی و گچین تعلیمی چاگڑد نا فراوانی وخت انا اہم گرج ءِ‘ او پارے کہ خوانوک و ہنرمند ورناک بلوچستان نا روشنا آخبت ءُ، وخت اس کہ تعلیم اٹی زرکاری اصل اٹ آخبت اٹی زرکاری ءِ۔