سہیل آفریدی مذاکراتی کمیٹی ءِ مون تروک ڈرافٹ ءِ قوم انا مون آ تخا

اسلام آباد، وزیراعلیٰ خیبرپختونخوا سہیل آفریدی حکومت و اپوزیشن مذاکرات اٹی تینا مون تروک آ مسودہ ءِ سوشل میڈیا غا شینک کرینے و پارے کہ مچ آ قوم ءِ معلوم مرے کہ خواست آتیان اسہ خواست اس ہم آئین یا کانود آن چَپ اف‘ تینا بیان اٹی سہیل آفریدی پارے کہ خیبرپختونخوا نا الس ءِ ارٹمیکو درجہ نا شاری تکنگ انگ ءِ و ریاست نا کنڈ آن صوبہ تون ماتنہ غانبار سلوک کننگ انگ ءِ‘ او پیدوار کرے کہ دا خواست آک اونا ئسر و مونی ہم مریرہ ڈرافٹ اٹی سیاسی سوگوی، آئین و کانود نا بالادستی، جمہوری عمل نا ریسہ‘ قومی سیوت، امن و ایمنی و سیاسی و قومی باندات آتے مذاکرات نا کمک اٹ ایسر کننگ کن کیہی سلاہ تے پیش کننگانے سلاہی ٹک آتا رد اٹ وزیراعظم پاکستان و ہڑتوم آ ایوان تیٹی اپوزیشن راہشون تا نیام اٹی باقاعدہ اوڑدہی نا بست وبند کننگک ہراٹی ہراٹی اہم سیاسی، قومی، آئینی، کانودی و جمہوری باندات آتیا جم گپ وتران مریک۔