حکومت و اپوزیشن مذاکرات نا بے سہبی، وزیراعظم و صدر نا بروک آ حکمت عملی آ سلابت
Get real time updates directly on you device, subscribe now.
اسلام آباد، وزیراعظم نا سلاہکار رانا ثناء اللہ وزیراعظم محمد شہباز شریف تون حوال کرسا حکومت و اپوزیشن نا نیام اٹی مذاکرات اٹی معاہدہ مفننگ نا سوب آتیان معلومدار کرینے‘ حکومتی حوالی نا رد اٹ بنجائی وزیرِداخلہ محسن نقوی صدرِ مملکت آصف علی زرداری تون ہم اوڑدہی کرے، ہراٹی حکومت و اپوزیشن نا نیام اٹی مذاکرات نا بے سہبی و بروک آ حکمت عملی آ سلابت کننگا‘ حوالی نا رد اٹ صدر و وزیراعظم جمہوری وڑ اٹ ویل آتا ایسری کن حکومتی مذاکراتی کمیٹی نا کوشست آتاستاءِ کرے‘ وزیراعظم شہباز شریف مذاکرات نا کماشی کروک اسپیکر قومی اسمبلی سردار ایاز صادق ءِ ہم خراجِ تحسین پیش کرے۔ وزیراعظم پارے کہ اسپیکر قومی اسمبلی مذاکرات نا سرسہبی کن گچین وڑ اٹ تینا پورو کوشست آتے کرے۔