یمن اٹی حوثی تا برخلاف بھلا جلہو، صنعاء و صعدہ ٹی کارروائیک بنا کریر
Get real time updates directly on you device, subscribe now.
صنعاء، یمنی سلہہ بند فوج یک شنبے نادے سہب انا پڑو کرینے کہ دارالحکومت صنعاء و حوثی تا اہم انگا ہند تکوک آ صعدہ ٹی اوفتا برخلاف عسکری کارروائی کننگ انگ ءِ‘ جہانی وڑ اٹ امنا کروک یمنی حکومت نا سلہہ بند فوج انا ترجمان پارے کہ فوج ہڑتوم آ علاقہ غاتیٹی ”اہم ہدف“ آتے شست کرینے، ولے جلہو تا وڑ و و ہدف تون تعلقدار پین ٹک آتے فراوان کننگتنے‘ درملکی خبر رساں ادارہ نا رِد اٹ داڑان مست حوثی تتون تعلقدار یمنی ٹی وی چینل ”المسیرہ“ صنعاء ٹی اسہ جلہو اسے نا حوال ترسا دعویٰ کروسس کہ دا کارروائی ءِ سعودی عرب کرینے‘ سعودی کمامدار تا کنڈ آن اینو اسکان دا دعویٰ ءِ پک کننگ تنے‘ یمن اٹی حوثی جنگوڑو و سعودی مخ تف حکومت نا فورس آتا نیام اٹی 2022ء اٹی جنگ بندی آن پد سلہہ بند چک وتاڑ اٹ نمان کمتی بسوسس۔