جوائنٹ روڈ و امداد چوک آ ودیکاری تا برخلاف ضلعی انتظامیہ نا کارروائی

کوئٹہ، بلوچستان ہائی کورٹ نا پرمان نارد اٹ ڈپٹی کمشنر کوئٹہ مہر اللہ بادینی و ایڈمنسٹریٹر کوئٹہ نا پارت آ اسسٹنٹ کمشنر سٹی، ضلعی پولیس، ٹریفک پولیس و میونسپل کارپوریشن کوئٹہ نا کارندہ غاک جوائنٹ روڈ و امداد چوک آ ودیکاری تا برخلاف اسیجائی کارروائی کریر۔ کارروائی نا وخت آ کسر و فٹ پاتھ آتیا ساڑی 70 آن زیات ودیکاری تے اینک کننگا وخت اس کہ ٹریفک کانود نا خلاف ورزی کروک آتا برخلاف چالان کننگا و کیہی بندغ آتے آخبت اٹی ودیکاری کپننگ نا پارت کننگا۔ ضلعی انتظامیہ کوئٹہ پیدوار کرینے کہ الس کن کسر آتا روانی ءِ پک کننگ، کل کانودآن چَپ ودیکاری تا چٹفنگ و شرفمند عدالت نا پرمان آ عملدرآمد کن کارروائیک بے فرق برجا سلرہ۔