ڈی جی جی ڈی اے معین الرحمن خان نا بابا بزنجو فٹبال اسٹیڈیم نا دورہ

گوادر، ڈائریکٹر جنرل ادارہ ترقیات گوادر (جی ڈی اے) معین الرحمن خان بابا بزنجو فٹبال اسٹیڈیم نا دورہ ءِ کرے و گراؤنڈ، پویلین، تولنگ نا ہند اتون اوار گوازی گر و ہروک آتیکن ساڑی آسراتی تا جاچ ءِ ہلک۔ دا وخت آ چیف انجینئر جی ڈی اے حاجی سید محمد و ڈی ایف اے گوادر نا صدر میر ارشد کلمتی ہم ساڑی ئس۔ ڈی ایف اے صدر اسٹیڈیم نا زیبائی وجوڑجاڑ و تولنگ نا ہند و ایلو آسراتی تا جوانی نا بابت سلاہ تس۔ ڈی جی جی ڈی اے تعلقدار کمامدار آتے گوازی نا آسراتی تے پین جوان کننگ کن المی گام گیج آتا پارت کرے۔ او جشنِ آزادی کپ فٹبال ٹورنامنٹ انا سرسہب اڈ تننگ آ ڈی ایف اے گوادر ءِ مبارکبادی ترسا پارے کہ جی ڈی اے گوازی تا شون و ورنا تے مثبت سرجز آتیکن آب اٹنگا آسراتی تا فراوانی کن گام گیج آتے برجا تخک۔