ایم پی اے مولانا ہدایت الرحمن بلوچ نا کماشی ٹی محکمہ تعلیم گوادر نا دیوان
Get real time updates directly on you device, subscribe now.
گوادر، صوبائی اسمبلی نا باسک مولانا ہدایت الرحمن بلوچ ڈسٹرکٹ ایجوکیشن آفیسر گوادر زاہد بلوچ تون اونا دفتر اٹی تعلیم نا جوانی نا جتا جتا باندات آتا بابت اڈہلوک دیوان نا کماشی ءِ کرے۔ دیوان اٹی تعلیمی نظام نا جوانی، اسکول آتیٹی تدریسی و غیر تدریسی کارندہ غاتا حاضری و ایلو اہم تعلیمی باندات آتا سرجم جاچ ءِ ہلنگا۔ دیوان اٹی مولانا ہدایت الرحمن بلوچ اسکول آتیٹی استاد و المی کارندہ غاتا حاضری ءِ تعلیمی آب انا جوانی کن بنداوی گرج گوندسا اٹیچمنٹ نا باندات آ گڑتی نا درشانی ءِ کرے۔ او پارت کرے کہ اٹیچمنٹ نا سوب آن ہرا سرکاری اسکول آتیٹی اسٹاف نا کاختی ودی مننگ اٹی ءِ اونا جاچ ءِ ہلسا کارندہ غاتے اوفتا اصل تعیناتی نا ہند آتیا پدی راہی کننگ کن گام گیج کننگے۔