بلوچستان فوڈ اتھارٹی نا زونل فوڈ ٹیم انا میختر بازار اٹی اسیجائی کارروائی

بلوچستان فوڈ اتھارٹی نا زونل فوڈ سیفٹی ٹیم ضلعی انتظامیہ نا کمک اٹ میختر بازار اٹی اسیجائی کارروائی کرسا 15 فوڈ کارنر آتا جاچ ءِ ہلک و 6 ہند ءِ ڈنڈ کننگا وخت اس کہ 6 فوڈ کارنر آتے اصلاحی نوٹس جاری کرے۔ کارروائی آن مست اسسٹنٹ کمشنر تحصیل میختر اسرار احمد مندوخیل تون بلوچستان فوڈ اتھارٹی اوڑدہی کرے، ہراٹی اوار سواری‘ ہیبدار‘ جانجوڑی کن نسخانی گڑاتا برخلاف اسیجائی کارروائی تے پین بھرمی کننگ آ امنا کننگا۔ جاچ انا وخت آ چار جنرل اسٹور آن گٹکا، چھالیہ، ایکسپائیرڈ بسکوٹ کیک، چاکلیٹ، کینڈیز، چنا تا گڑا ہیبدار شربت دوئی مننگ آ ڈنڈ کننگا وخت اس کہ کل ممنوعہ و ایکسپائرڈ گڑاتے جاگہ غا ضبط کرسا بھس کننگا۔ ہندا وڑ قومی شاہراہ غا ساڑی اِرا ریسٹورنٹ ءِ ہیبدار سَفائی‘ خراب اسٹوریج، رزان‘ سفائی مفننگ و بلوچستان فوڈ اتھارٹی نا ایس او پی تا خلاف ورزی آ ڈنڈ کننگا۔ علاقہ نا الس بلوچستان فوڈ اتھارٹی و ضلعی انتظامیہ نا اسیجائی کارروائی تا ستاءِ کرسا الس ءِ رکھوک کنشت نا فراوانی کن ہندا وڑ انا گام گیج آتا ستاءِ کرینے۔