پولیس نا شہید آک امن وسلامتی کن تینا جان تے ندر کریر، میر سلیم کھوسہ
Get real time updates directly on you device, subscribe now.
شہداء پولیس نا وخت آ پاکستان مسلم لیگ (ن) نا پارلیمانی لیڈر و صوبائی وزیر مواصلات و تعمیرات میر سلیم احمد کھوسہ تینا کلہو اٹ پارینے کہ پولیس نا شہید آک امن، الس نا رکھ و ملک انا سلامتی کن تینا جان تے ندر کریر، ہرافتا قربانیک قوم اکن مدام کسرنا ڈیواہ مریرہ۔ او پارے کہ پولیس نا شہید و اوفتا پدخاہوت آتے قوم سلام پیش کیک، ننا بہادر پولیس ورناک دہشت گردی و ڈوہ تا برخلاف جنگ اٹ دروری قربانی ترسا وطن نا دفاع و الس نا رکھ انا فرض ءِ ادا کریر۔ صوبائی وزیر میر سلیم احمد کھوسہ پارے کہ شہید آتا قربانیک اسُل زیان مفسہ، قوم تینا بہادر شہید آتے مدام یات تخک و اوفتا پدخاہوت آتتون اوار سلک۔