حاجی عطاء محمد بنگلزئی ءِ ضلع کوئٹہ نا صدر گچین مننگ آ مبارکبادی
Get real time updates directly on you device, subscribe now.
قبائلی راہشون حاجی نصیر لہڑی نیشنل پارٹی کوئٹہ نا انٹرا پارٹی گچین کاری تیٹی حاجی عطاء محمد بنگلزئی نا ضلع کوئٹہ نا صدر گچین مننگ آ اودے و اونا مچ آ کابینہ ءِ اُست انا ہب اٹ مبارکبادی تسنے۔ تینا اسہ بیان اسے ٹی حاجی نصیر لہڑی پارے کہ حاجی عطاء محمد بنگلزئی اسہ متحرک، لائخ و سیاسی و راجی باندات نا بھلو آزموندہ کار ءُ شخصیت اسے۔ نیشنل پارٹی نا کارندہ غاتا کنڈ آن اوڑا پت انا درشانی ستاکڑزک۔ او پارے کہ اومیت کننگ مریک کہ حاجی عطاء محمد بنگلزئی صدر ضلع کوئٹہ پارٹی ءِ پین فعال و منظم جوڑ کننگ، کارندہ غاتا ویل آتا ایسری و السی رابطہ غاتے سوگو کننگ اٹی پبی کڑد ادا کیک۔ حاجی نصیر لہڑی نیشنل پارٹی کوئٹہ نا پوسکن گچین مروک کابینہ نا کل عہدیدار آتے ہم مبارکبادی ترسا اوفتیکن نیک انگا استخواہی تا درشانی ءِ کرے و اومیت درشان کرے کہ پوسکن گچین مروک سرکڑدہ غاک پارٹی نا منشور و السی خذمت نا جوزہ ءِ مونی دننگ اٹی تینا پبی کڑد ءِ ادا کیرہ۔