بورڈ آف پیس غزہ ٹی حماس نا بے سلہہ مننگ نا معاہدہ ءِ کرے

امریکی صدر ڈونلڈ ٹرمپ پڑو کرینے کہ بورڈ آف پیس غزہ ٹی فلسطین نا مزاحمتی تنظیم حماس نا بے سلہہ مننگ نا معاہدہ ءِ کرے۔ صدر ٹرمپ پڑو کرے کہ غزہ ٹی حماس نا بے سلہہ مننگ نا معاہدہ مسنے، ہندن کہ غزہ ءِ بے سلہہ کننگ نا عمل پورو مس اسرائیلی فوج پدی کاہک۔ ٹرمپ پارے کہ معاہدہ غزہ ٹی پوسکن آ فلسطینی حکومت جوڑ کننگ نا کنڈ آ اہم ءُ گام اسے، معاہدہ ریسہ ٹی و منظم وڑ و ڈول اٹ نافذ کننگک۔ صدر ٹرمپ تینا سوشل میڈیا پلیٹ فارم ٹروتھ سوشل آ بیان جاری کرسا پارے کہ بورڈ آف پیس اینو غزہ ٹی حماس و ایلو کل سلہہ بند ٹولی تا پورو وڑ اٹ بے سلہہ مننگ نا بابت اسہ تاریخی معاہدہ اس کرینے، دا معاہدہ مدامگی امن و سلامتی نا کنڈ آ اسہ اہم ءُ مزل نا نشان اسے۔