چاغی شاپنگ گلی روڈ نا فنڈ ریلیز مننگ آن پد ہم کاریم بنا مننگ کتو،الس نا گڑتی

چاغی شاپنگ گلی روڈ انا فنڈ ریلیز مننگ آن پد ہم تفوئی کاریم بنا کتو‘ چاغی نا الس نا گڑتی تیٹی ودکی، پوریاگر تپہ خواری تا گواچی، ڈی سی چاغی و بڑزکو کمامدار آک نوٹس ہلسا ٹھیکیدار ءِ بلیک لسٹ کیر و ڈٹ انا پوروی کن گام گیج کیر۔ سرجم حوال آتا رِد اٹ چاغی شاپنگ گلی روڈ انا فنڈ ریلیز مننگ آن پد ہم تفوئی کاریم اٹ ہُرے مننگ اٹی ءِ‘ ہرانا سوب آن کروڑ آ روپئی تا زیان مننگ نا گمان ءِ‘ ہرا نا سوب آن پوریاگر تپہ و الس ءِ سخت خواری مون تروئی تمنگ اٹی ءِ‘ چاغی بازار شاپنگ گلی روڈ آ اولیکو ریسہ ٹی ٹھیکیدار مش شاغسا کاریم ءِ نیمہ غان الانے۔ ہرانا سوب آن الس ذہنی فریشانی تا گواچی ءِ‘ مش و لوڑ ودنز آن دکاندار و پوریاگر تپہ بھاز پریشان ءِ‘ پوریاگر تپہ حوالکار آتتون ہیت وگپ کرسا پارے کہ چاغی شاپنگ گلی روڈ انا فنڈ ریلیز مننگ آن پد ہم کاریم مفننگ ناسوب آن علاقہ نا الس بھاز فریشان ءِ و الس تینا گڑتی تا درشانی ءِ کرسا پارے کہ دا روڈ انا سوب آن علاقہ نا الس بھاز فریشان ءِ۔ لکھ آ روپئی تا بھلا زر زیان مننگ نا ہم گمان ءِ‘ السی تپہ غاک ایم پی اے چاغی حاجی صادق خان سنجرانی، چیف سیکرٹری بلوچستان و کمشنر رخشان ڈویژن، ڈی سی چاغی جہانزیب نور شاہوانی آن خواست کرینو کہ چاغی شاپنگ گلی روڈ نا تفوئی کاریم نا مفننگ نا نوٹس ءِ ہلسا تعلقدار ٹھیکیدار نا برخلاف کارروائی کننگے۔