حکومت بلوچستان الس نا گچین طبی آسراتی تیا خاص چکار کننگ اٹی ءِ ،عبدالرزاق ساسولی
السی خذمت، انسانی ہمدردی و راجی آسراتی گام گیج آتا شون تننگ کن عملی گام گیج کننگ اٹی اُن
Get real time updates directly on you device, subscribe now.
ڈپٹی کمشنر خضدار عبدالرزاق ساسولی نا کماشی ٹی ضلع خضدار نا کل سرکاری ہسپتال، پرائیویٹ ہسپتال، کلینک و میڈیکل سینٹر آتا جانجوڑی و سفائی نا بابت اسہ اہم ءُ دیوان اس ڈپٹی کمشنر آفس اٹی اڈ ہلک ہراٹی خضدار شار انا کل پرائیویٹ ہسپتال، کلینک و میڈیکل سینٹر آتا سفائی‘ جانجوڑی نا بست و بند، ویسٹ مینجمنٹ، انفیکشن پریوینشن اینڈ کنٹرول (IPC) گام گیج، کانودی خواست، ناجوڑ آتے تننگوک آسراتی و ایلو تعلقدار باندات آتا جم جاچ ءِ ہلنگا۔ دا وخت آ ڈپٹی کمشنر خضدار عبدالرزاق ساسولی جانجوڑی و سفائی نا بابت اسہ کمیٹی اس ٹہیفے ہرا نا کماشی ءِ ڈسٹرکٹ ہیلتھ آفیسر ڈاکٹر عبدالحمید لہڑی و اسسٹنٹ کمشنر نال کیرہ، چیف آفیسر میونسپل کارپوریشن خضدار وڈیرا محمد صالح جاموٹ و میڈیکل سپرنٹنڈنٹ سول ہسپتال خضدار ڈاکٹر شبیر احمد بلوچ کمیٹی نا باسک آتیٹی اوار ءُ و دا کمیٹی ہڑدے ئی بنداو آ جانجوڑی و سفائی نا جاچ ءِ ہلیک۔ دیوان آن تران کرسا ڈپٹی کمشنر خضدار عبدالرزاق ساسولی پارے کہ حکومت بلوچستان الس ءِ جوان طبی آسراتی تا فراوانی آ خاص آ چکار کننگ اٹی ءِ۔ او پارے کہ ننا اولیکو اولیت الس ءِ جوان طبی آسراتی رسیفنگ ءِ و السی خذمت، انسانی ہمدردی و فلاحی گام گیج آتا شون اکن پدریسہ عملی گام گیج کننگ اُن ہرافتا مسخت راج انا غریب و حقدار تپہ ءِ زیات آن زیات ریلیف فراوان کننگ ءِ۔ ڈپٹی کمشنر خضدار عبدالرزاق ساسولی تعلقدار پرائیویٹ ہسپتال، کلینک و لیبارٹری مالک و اوفتا نمائندہ غاتے سختی اٹ پارت کرے کہ او تینا ویسٹیج مٹیریل ءِ ڈسپوز آف کننگ کن ٹیچنگ ہسپتال خضدار اٹی ساڑی انسینیٹر اٹی تینا ویسٹیج مٹیریل ءِ ڈسپوز آف کیر نہ تو اوفتا برخلاف سخت کانودی کارروائی کننگک۔ او پارے کہ ضلعی انتظامیہ خضدار دا عزم انا درشانی ءِ کرے کہ السی جانجوڑی، آسودہی و ڈکھیا انسانیت نا خذمت کن دا وڑ انا گام گیج آخبت اٹی ہم پدریسہ برجا تخنگرہ۔