کوئٹہ، ٹریفک ویل آتا ایسری کن اے آئی سگنل خلنگ نا فیصلہ

وزیراعلیٰ بلوچستان میر سرفراز بگٹی نا کماشی ٹی دوشنبے نا دے اڈ ہلوک اسہ اہم ءُ دیوان اسے ٹی صوبائی دارالحکومت کوئٹہ ٹی ٹریفک ویل آتا مدامگی ایسری کن پوسکنوڑ اے آئی بیسڈ ٹریفک سگنل خلنگ نا فیصلہ کننگا۔ دیوان اٹی شار اٹی ٹریفک نا ودک آ کچ اتون اوارگچین وڑ اٹ مون تننگ و پوسکنوڑ ٹریفک مینجمنٹ سسٹم نا نفاذ نا سُج پام نا جم جاچ ءِ ہلنگا۔ دیوان ءِ بریفنگ ترسا پاننگا کہ ٹریفک نا ودک آ زور انا مون ءِ توننگ کن پوسکنوڑ اے آئی بیسڈ ٹریفک سگنل فعال کننگک، ہرافتا کمک اٹ ٹریفک نا روانی جوان مریک‘ چوک آتیا بے گرج انتظار نا وخت کم مریک و شاری تے جوان سفری آسراتی دوئی مریک۔ وزیراعلیٰ بلوچستان میر سرفراز بگٹی پارت کرے کہ پوسکنوڑ ٹیکنالوجی اٹ ٹریفک نا روانی ءِ جوان کرسا شاری تے آب اٹو سفری آسراتی فراوان کننگے۔