مچھ اٹی سورُک نا دَین انا حوال رسینگ تون عملی گام گیج آتا بنا
Get real time updates directly on you device, subscribe now.
مچھ اٹی سورک نا بابت الس نا توار نا حوال آ ضلعی و تحصیل انتظامیہ دمدستی ایکشن ہلسا عملی گام گیج نا بناءِ کریر۔ ڈپٹی کمشنر کچھی میر ممتاز علی کھیتران و اسسٹنٹ کمشنر مچھ سردارزادہ میر لیاقت علی جتوئی نا پارت آ ڈپٹی ڈی ایچ او کچھی نا چاروکی ٹی مچھ سٹی نا سورک آن زہمی علاقہ ہشت اُرا ریلوے کالونی ٹی سورک تور ویکسینیشن مہم نا بناءِ کننگا۔ محکمہ جانجوڑی نا ٹیمک ہر اُراغا ہنسا چناتے سورک آن بچفنگ نا رکھی ٹیکہ خلنگ اٹی ءُ تانکہ ناجوڑی نا پین تالان مننگ ءِ توننگ مرے و چنا تا جانجوڑی ءِ رکھوک جوڑ کننگ مرے۔ علاقہ نا الس سورک نا باندات آ وخت آ نوٹس ہلنگ، دمدستی کارروائی کننگ و محکمہ جانجوڑی نا ٹیم تے زہمی علاقہ غاتیٹی راہی کننگ آ ڈپٹی کمشنر کچھی میر ممتاز علی کھیتران و اسسٹنٹ کمشنر مچھ سردارزادہ میر لیاقت علی جتوئی نا منتواری ءِ ہرفسا اومیت درشان کریر کہ سورک تور مہم بھرمی وڑ اٹ برجا سلک تانکہ ایلو نہادی جان تے بچفنگ مرے۔ مچھ (نامہ نگار)