پی پی تعلقہ دوژ نا کنڈ آن سندھ انا دیر انا حق اکن برانز

پاکستان پیپلز پارٹی تعلقہ دوژ انا صدر ابرار حسین گورچانی، تیمور علی نواز بروہی، علی اکبر جمالی، ظفر علی زرداری، یاسین بروہی و وڈیرا عبدالحمید بروہی نا کماشی ٹی سندھ دریاب آ آبی حق آتا رکھ اکن برجا برانزی ریلی “مرسوں مرسوں، سندھو نہ ڈیسوں ” ریلی ایریگشن گراؤنڈ جیلانی چوک آن پریس کلب دوڑ اسکان اڈ تننگا۔ داوخت آ سرکڑدہ غاک پاریر کہ بھارت و مودی سرکار سندھ طاس معاہدہ ءِ بھس کننگ اٹی ءِ ہراکہ جہانی کانود نا خلاف ورزی ءِ‘ اوفک پاریر کہ سندھ دریاب نا دیر سندھ و پاکستان نا الس نا کانودی و بنداوی حق ءِ۔ ریلی ٹی پاکستان پیپلز پارٹی تعلقہ دوڑ انا عہدیدار، چیئرمین‘ وائس چیئرمین‘ کونسلر، متبر آک، سیاسی و راجی شخصیت و کارندہ غاک بھلو کچ اسے ٹی بشخ ہلکر۔ دا وخت آ یو سی غلام حیدر شاہ نا کارندہ غاک ریلی ٹی پبی بشخ ہلکر، یو سی غلام حیدر شاہ نا کنڈ آن وڈیرہ عبدالحمید بروہی، نظام الدین شمبانی، نصیر خان بروہی، طارق نور بھرگڑی، غلام مرتضیٰ چانڈیو، نظر محمد چھٹو، خمیسو خان بروہی، عبداللطیف بروہی، تاج محمد شمبانی ریلی کشار و السی واک انا پبی درشانی ءِ کریر۔ نواب شاہ (نامہ نگار)