صوبائی وزیر ظہور احمد بلیدی نا تینا گچین کاری حلقہ بلیدہ نا دورہ
Get real time updates directly on you device, subscribe now.
صوبائی وزیر ڈٹ بندی و شونداری بلوچستان ظہور احمد بلیدی تینا گچین کاری حلقہ بلیدہ نا دورہ ءِ کرے ہراڑے او برجا شونداری ڈٹ آتا پیشرفت نا جاچ ہلنگ تون اوار ہندی شاری، متبر و جتا جتا ڈل آتتون اوڑدہی کرے۔ دورہ نا وخت آ صوبائی وزیر شہید غلام فاروق میموریل ہسپتال، شہید ایوب بلیدی ماڈل اسکول و بلیدہ ماڈل ٹاؤن اٹی برجا شونداری کاریم تا جاچ ءِ ہلک‘ تعلقدار افسر آک ڈٹ آتا ساڑی حالیت، تفوئی آب و پوروی نا جتا جتا ریسہ غاتا بابت بریفنگ ترسا بروک آ سُج پام آن ہم معلومدار کریر۔