چاغی: نوکچہ نا ہند آ سلہہ بند آک مسہ بوزر گاڈی خاخر تسر
Get real time updates directly on you device, subscribe now.
ضلع چاغی نا علاقہ نوکچہ ٹی سلہہ بند بندغ آک 3 بوزر گاڈی تورسا خاخر تسر و نرار۔ پولیس نا رِد اٹ واقعہ تدوک آ نیمروچ نا وخت پاو کم سَے بجہ نا وخت آ تھانہ صدر دالبندین نا دنگ اٹ پیش بس، ہراڑے 12 غان 14 گمانی ایف اے ایچ سلہہ بند آک موٹر سائیکل تیا سوار مرسا وختی ناکہ بندی کریر۔ سلہہ بند بندغ آک کوئٹہ غان تفتان آ ہنوک آ مسہ بوزر گاڈی ءِ تورسا پاننگوک وڑ اٹ خاخر تسر۔ واقعہ نا ہند دالبندین آن 28 کلومیٹر مُر این-4 شاہراہ غا نوشکے نا کنڈ آٹے۔ پولیس کمامدار آتا رِد اٹ واقعہ ٹی ہچ ءُ جانی نسخان اس داسکان رپورٹ متنے، مستی جاست پاست برجا ءِ۔