ایران نا باندات کل آپشن آک داسہ ہم ساڑی اریر، وائٹ ہاؤس

امریکی وائٹ ہاؤس پارینے کہ ایران نا باندات داسہ ہم کل آپشن آک ساڑی ءُ۔ وائٹ ہاؤس نا ڈائریکٹر برائے مواصلات اسٹیون چونگ فاکس نیوز تون ہیت وگپ کرسا پارے کہ صدر ٹرمپ مدام دا پارینے کہ او سفارتی ایسر ءِ اولیت ایتک، ولے اگہ ایران ہرمز تنک اٹی یا ننا سیوتی تا برخلاف بیدادی سرجز آتے برجا تخا تو تینا کل آپشن آتے ملوک النگانے۔ او مستی پارے کہ ایران نا زرگزران ءِ نزور کروک سرسہب رکھ و اونا وار وار انا بیدادی کارروائی تا ورندی ٹی فوجی ہدف آتیا 13 دے اسکان پدریسہ جلہو آتیان پد دانش مندی نا کسر ہندادے کہ ایران معاہدہ اسے کن مذاکرات نا کنڈ آ برے، نہ تو اودے سماءِ کہ انت مننگ کیک۔