سعودی عرب اٹی یمن آن خسنگوک میزائل آک بھس

سعودی عرب اٹی یونانی کارندہ غاتا کاریم اٹ اتوک فضائی رکھی نظام یمن آن خسنگوک میزائل آتے خلسا بٹے۔ درملکی خبر رساں ادارہ حوالی تا رِد اٹ رپورٹ کرینے کہ سعودی عرب اٹی یونانی فوجی کارندہ غاتا سرکڑدہی ٹی فضائی رکھی نظام یمن آن ینبع نا آئل ریفائنری آ خسنگوک اِرا بیلسٹک میزائل ءِ فضا ٹی بھس کرے۔ رپورٹ اٹی پاننگا کہ سعودی سول ڈیفنس ینبع ٹی ہلہلہ ئی الرٹ جاری کرسا شاری تے گمانی خطرہ غان معلومدار کریسس۔ حوالی پارے کہ جلہو اِرا بیلسٹک میزائل آتا کمک اٹ کننگاسس و دا نا نشان ینبع نا آئل ریفائنری ئس و دا میزائل آک یمن آن خسنگاسر۔ اسہ پین حوالی اس ہم میزائل آتے سرسہبی اٹ بھس کننگ نا حوال ءِ پک کرے۔ رپورٹ نا رِد اٹ یونان 2021 اٹی اسہ معاہدہ اسے نا رِد اٹ سعودی عرب اٹی امریکی جوڑ کروک پیٹریاٹ فضائی رکھی نظام نا اسہ بیٹری اس خلکنے۔ ہرافتے یونانی فوجی کارندہ غاک کاریم اٹ اتیرہ و دانا مسخت سعودی عرب نا توانائی نا بنداوی پنجر نا رکھ کننگ ءِ۔