ڈی سی تمپ انا کماشی ٹی ڈسٹرکٹ ہیلتھ کمیٹی نا دیوان

ڈسٹرکٹ ہیلتھ کمیٹی نا اہم ءُ دیوان اس ڈپٹی کمشنر برکت علی بلوچ نا کماشی ٹی ڈپٹی کمشنر آفس تمپ اٹی اڈ ہلک، ہراٹی مچ آ ضلع ٹی السی جانجوڑی نا آسراتی، سرکاری ہسپتال و جانجوڑی نا بنداوی ہند آتا کارکڑد‘ طبی کارندہ غاتا حاضری‘ دارو تا فراوانی و جانجوڑی نا بشخ اتون تعلقدار جتا جتا اہم انگا باندات آتا جاچ ءِ ہلنگا۔ دیوان اٹی اسسٹنٹ کمشنر تمپ شے حق حیات، ڈسٹرکٹ ہیلتھ آفیسر تمپ ڈاکٹر نوروز، پی پی ایچ آئی نا ڈی ایم حاجی خان، تعلقدار ادارہ غاتا نمائندہ و ایلو تعلقدار افسر آک بشخ ہلکر۔ دیوان نا وخت آ ضلع تمپ انا سرکاری ہسپتال، جانجوڑی نا بنداوی ہند (BHU)، خلقی جانجوڑی ہند (RHC) و ایلو طبی ہند آتے ٹی الس ءِ آب اٹو طبی آسراتی تا فراوانی، طبی کارندہ غاتا حاضری، المی دارو تا ساڑی گری‘ رکھی ٹیکہ، لمہ وچنانا جانجوڑی، ہلہلہ ئی طبی خذمت و برجا جانجوڑی پروگرام آتا پیش رفت نا جاچ ءِ ہلنگا۔