امریکی جلہو آک برجا سلیسر تو پوسکن ءُ کسر اس دوئی کینہ، ایران
Get real time updates directly on you device, subscribe now.
ایران خبڑدار کرینے کہ امریکی جلہو آک برجا سلیسر تو پوسکن ءُ سُج پام اس تینائی کینہ۔ درملکی میڈیا نا حوال آتا رِد اٹ ایران نا سلہہ بند فوج نا ترجمان بریگیڈیئر جنرل امیر محمد اکرمینیا خبڑدار کرینے کہ اگہ ایران نا سویلی انفرااسٹرکچر آ امریکی جلہو آک برجا سلیسر تو ملکی سیکورٹی فورس آک ہندن ءُ پوسکن آ سُج پام و عسکری گام گیج اس تینائی کیرہ ہراکان گڈ جارح واک آتیکن جنگ ءِ برجا تخنگ مشکل مریک۔ ایرانی خبر رساں ادارہ ڈیفنس پریس ءِ تننگوک انٹرویو ٹی بریگیڈیئرجنرل امیر محمد اکرمینیا پارے کہ امریکی کنڈ آن مفاہمتی یادداشت (ایم او یو) نا خلاف ورزی آن پد داسہ جنگ اسہ پوسکن ءُ ریسہ اسے ٹی پترینگانے۔