گورنر بلوچستان نا مستونگ واقعہ غا ڈکھیائی و است ہسونی نا درشانی

گورنر بلوچستان جعفر خان مندوخیل مستونگ اٹی قومی شاہراہ غا سم کاری نا واقعہ ٹی سیشن جج عبدالحکیم کاکڑ و اونا گن مین نا شہیدی آ ڈکھیائی و است ہسونی نا درشانی ءِ کرینے۔ دہشت گردی نا جلہو اٹی جوڈیشل مجسٹریٹ طارق لاشاری و اسہ پین بندغ اس بھاز ٹھپی ہم مس۔ گورنر کانود نافذ کروک ادارہ غاتے پارت کرے کہ او زموار دہشت گرد آتا برخلاف دمدستی و سخت کارروائی کیر و اوفتا زوت آن زوت دزگیری و کانودی کارروائی ءِ پک کیر۔ او تعلقدار کمامدار آتے ٹھپی مروک آتے گچین طبی آسراتی فراوان کننگ نا ہم پارت کرے ۔ گورنر مندوخیل شہید مروک آتا روح اکن بخشش و ٹھپی تا زوت دراخ جوڑی کن دعاکرے۔