ٹرمپ سعودی عرب تون تاریخی ایٹمی معاہدہ نا منظوری ءِ تس
Get real time updates directly on you device, subscribe now.
امریکی صدر ڈونلڈ ٹرمپ سعودی عرب تون اسہ تاریخی سول جوہری معاہدہ نا باقاعدہ منظوری تس۔ امریکی اخبار وال اسٹریٹ جرنل نا حوال نا رِد اٹ امریکہ تون سول جوہری پروگرام نا معاہدہ نا رِد اٹ سعودی عرب ءِ سویلین جوہری پروگرام نا جوڑ کننگ اٹ کمک فراوان کننگک۔ ہراڑان مملکت ءِ توانائی نا بشخ اٹی جوہری ٹیکنالوجی اسکان رسینگ گیگ دوئی مریک‘ حوال اٹی پاننگانے کہ امریکہ و سعودی عرب نا نیام اٹی جوہری کمک معاہدہ نا مُد 30 سال اسکان ءِ۔ امریکی اخبار نا رِد اٹ جوہری کمک معاہدہ نا نہاد کیہی ارب ڈالر مننگ کیک‘ ہراڑان گمانی وڑ اٹ سعودی عرب اٹی یورینیئم نا افزودگی نا درگہ غاک ملنگ کیرہ۔ حوال اٹی پاننگانے کہ دا معاہدہ نا مسخت سعودی عرب نا جوہری بنداوی پنجر نا تفنگ و شونداری ٹی امریکی کمپنی تے بنجائی کڑد تننگ ءِ‘ وخت اس کہ ایلو درملکی کمپنی تا اواری ءِ کچ اٹ تخنگک۔