ڈیزاسٹر مینجمنٹ بشخ اٹی پاکستان نا آزموندہ غاتیان فائدہ ہرفنگ خوانہ،ایرانی وزیر داخلہ اسکندر مومنی
ارلی وارننگ سسٹم، ادارہ ئی رابطہ کاری و ڈیزاسٹر رسک ءِ کم کننگ کن پوسکن آٹیکنالوجی بھاز اہم مریرہ
Get real time updates directly on you device, subscribe now.
اسلامی جمہوریہ ایران نا وزیرداخلہ اسکندر مومنی پارینے کہ ایران خاص وڑ اٹ ارلی وارننگ سسٹم، پیشگی ڈیزاسٹر مینجمنٹ، ادارہ ئی رابطہ کاری و ڈیزاسٹر رسک ءِ کم کننگ کن پوسکن آٹیکنالوجی نا کاریم اٹ اتنگ نا بشخ آتیٹی پاکستان نا آزموندہ غاتیان فائدہ ہرفنگ نا خواہندار ءِ، ہڑتوم آ ہمسائے ملک آتا نیام اٹ کمکاری و معلومداری تا ہل/ و تس ءِ مونی دننگ آن قدرتی آفت و موسمیاتی بدلی تا سوب آن ودی مروک خطرہ غاتتون مون تننگ کن ڈیہہ انا جم کچ اٹی پیدوار ودکی مریک۔ چارشنبے نادے آ این ڈی ایم اے آن جاری بیان نا رداٹ اسلامی جمہوریہ ایران نا وزیر داخلہ اسکندر مومنی نا کماشی ٹی بڑزکو کہولی ایرانی ڈل وزیر مملکت داخلہ طلال چوہدری و پاکستان اٹ ایران نا سفیر ڈاکٹر رضا امیری مقدم تون اوار نیشنل ڈیزاسٹر مینجمنٹ اتھارٹی (این ڈی ایم اے) نا ہیڈکوارٹر اٹ جوڑ نیشنل ایمرجنسیز آپریشنز سینٹر نا دورہ ءِ کرے۔ این ڈی ایم اے نا ٹیم ڈل ءِ نیشنل ایمرجنسیز آپریشنز سینٹر نا پوسکن لائخی تا بارواٹ معلومداری تس و پاکستان اٹ وار وار بروک آ قدرتی آفت آتا خطرہ غاتے ٹی کمتی کننگ کن تینائی کروک فعال ڈیزاسٹر مینجمنٹ نظام نا بارواٹ سرجمی اٹ حوال تس۔ چیئرمین این ڈی ایم اے لیفٹیننٹ جنرل انعام حیدر ملک علاقائی کمکاری نا مون آ دننگ و جہانی کہول آ ڈیزاسٹر رسک ریڈکشن نا پوسکن آ وژن نا بارواٹ این ڈی ایم اے نا گام گیج آتیان معلومدار کرے۔ ڈل ءِ ساڑی سال آتیٹی این ڈی ایم اے نا نمان کاٹم خواجہی و بروک آ ریسہ ٹی پوسکن انگا ٹیکنالوجی تا دوئی کننگ نا ڈٹ آتیان ہم معلومدار کننگا ہرافتا مسخت پک ڈیزاسٹر ارلی وارننگ (ڈی ای ڈبلیو) نظام اس جوڑ کننگ و کمکی ادارہ و وسیلہ فراوان کروک ادارہ غاتا نیام اٹ گچین و مربوط کارروائی ءِ پک کننگ ءِ۔ ڈل ءِ قومی و سیکورٹی سرکڑدہ غاتتون این ڈی ایم اے نا منظم رابطہ کار، صوبائی و ضلعی حکومت آتے کن راہشونی نا فریم ورک و جہانی جامعہ، انسانی ہمدردی نا ادارہ و کمکی شریدار آتتون رابطہ غاتا بارواٹ ہم سرجمی اٹ حوال تس۔ حوال اٹ کثیر کہولی رابطہ کاری و آفت اتٓتون مون تننگ کن پاکستان نا سوگو تیاری نا بھرم آتے تالان کننگا۔ دا وخت آ ہندی کہول آ خطرہ غاتا بابت گچین آگاہی، پیشگی گام گیج، قومی وسیلہ غاتا وخت آ فراوانی و جہانی کہول آ گچین کمکاری نا کمک اٹ آفت آتے ٹی دمدستی کمکی کارروائی تا نظام ءِ ہم مون آ تخنگا۔