ڈپٹی کمشنر کوئٹہ نا کماشی ٹی ڈسٹرکٹ ایجوکیشن گروپ نا دیوان

ڈپٹی کمشنر کوئٹہ مہراللہ بادینی نا کماشی ٹی ڈسٹرکٹ ایجوکیشن گروپ نا دیوان اڈ ہلک، ہراٹی مچ آ ضلع ٹی تعلیمی باندات‘ نان فنکشنل اسکول آتا بحالی، استاد آتا ساڑی گری و اسکول آتا جم کارکڑد نا جاچ ءِ ہلنگا۔ دیوان اٹی ایڈیشنل ڈپٹی کمشنر (جنرل)، ڈسٹرکٹ ایجوکیشن آفیسرز (میل و فیمیل)، تعلقدار ڈی ڈی اوز، آر ٹی ایس ایم (RTSM) و ایلو تعلقدار افسر آک بشخ ہلکر۔ دیوان اٹی پاننگا کہ ضلع ٹی ساڑی 150 نان فنکشنل اسکول آتیٹی 128 اسکول پورو وڑ اٹ فعال کننگانو، وخت اس کہ ایلو اسکول آتے ہم زُوت فعال کننگ کن گام گیج آک برجا ءُ۔ دیوان نا وخت آ ہمو اسکول آتا سرجم ڈیٹا ہم پیش کننگا ہراڑے استاد آتا تنکی ءِ‘ آر ٹی ایس ایم مچ آ ضلع نا اسکول آتا مانیٹرنگ رپورٹ ءِ پیش کرسا معلومدار کرے کہ پدریسہ غیر حاضر مروک 35 استاد آتا برخلاف انکوائری نا بناءِ کننگانے۔ ڈپٹی کمشنر مہر اللہ بادینی پارت کرے کہ کل سرکاری اسکول آتیٹی تدریسی سرجز آتے پین بھرمی جوڑ کننگے، استاد آتا حاضری ءِ پک کننگے۔