کینیڈا نا وزیر خارجہ انیتا آنند اینو پاکستان آ سر مریک

ترجمان دفترِ خارجہ طاہر اندرابی پارینے کہ کینیڈا نا وزیر خارجہ انیتا آنند نائب وزیراعظم و وزیر خارجہ اسحاق ڈار نا سلہ غا اینو پاکستان نا سرکاری دورہ ءِ کیک۔ ترجمان دفترِ خارجہ نا رِد اٹ وزیر خارجہ نا منصب سنبھالنگ آن پد انیتا آنند نا پاکستان نا دا اولیکو سرکاری دورہ مریک‘ ہراٹی نائب وزیراعظم و وزیر خارجہ اسحاق ڈار تون پاک کینیڈا تعلقداری تا کل بشخ آتیا خوڑتی اٹ گپ وتران کننگ۔ او پارے کہ اوڑدہی تیٹی ہڑتوم آ ملک آتا نیام اٹی واپار، زرکاری، تعلیم، السی رابطہ و تین پہ تینی کمک ءِ پین شون تننگ نا وارخواہی تا جاچ ءِ ہلنگک۔ داکان بیدس ہڑتوم آ وزیرخارجہ غاک علاقائی وجہانی حالیت آتیا ہم تینا خیال آتا درشانی ءِ کیرہ۔