بنجائی وزیر جام کمال خان نا میر اعجاز خان جکھرانی نا مار انا کزیت آ ہڑزخواہی
Get real time updates directly on you device, subscribe now.
بنجائی وزیر واپار جام کمال خان کراچی ٹی قومی اسمبلی نا باسک میر اعجاز خان جکھرانی نا اُراغا ہنا و اونا مار میر زاہد خان جکھرانی نا کزیت آ ڈکھیائی و است ہسونی نا درشانی ءِ کرے۔ سے شنبے نا دے آجاری بیان نا رداٹ بنجائی وزیر ایماندار نا بخشش کن دعاپاتیا کرے و دعا کرے کہ اللہ تعالیٰ ایماندار ءِ جنت الفردوس اٹی جاگہ و بڑز کوہند اس عطاکے۔ جام کمال خان پدسلوک خاہوت تون ہمدردی نا درشانی ءِ کرسا پارے کہ ورنا مار انا جتا مننگ اسہ بھاز بھلو نسخان اسے۔ او دعا کرے کہ اللہ تعالیٰ میر اعجاز خان جکھرانی و خاہوت ءِ دا صدمہ ءِ سگنگ نا ہمت و صبرِ وجمیل عطا کے۔ میر زاہد خان جکھرانی 22 سال انا وئی اٹ کراچی نا اسہ ہسپتال اسے ٹی درمان مننگ آن پد کزیت کریسس۔