کوئٹہ پریس کلب اٹی قومی آبادی ایجنڈا نا بابت میڈیا ورکشاپ
Get real time updates directly on you device, subscribe now.
اقوام متحدہ نا فنڈ آبادی (یو این ایف پی اے) نا کمک اٹ قومی آبادی ایجنڈا نا بابت اسہ اہم ءُ میڈیا ورکشاپ کوئٹہ پریس کلب اٹی صدر پریس کلب عرفان سعید نا کماشی ٹی اڈ ہلک۔ ورکشاپ اٹی یو این ایف پی اے بلوچستان نا صوبائی کوآرڈینیٹر سعدیہ عطا، سینئر صحافی سید علی شاہ، بہرام لہڑی، سلام جوگیزئی، پی ٹی وی کوئٹہ نا نمائندہ و جتا جتا میڈیا ادارہ غاتا نمائندہ غاک بشخ ہلکر۔ ورکشاپ نا مسخت قومی آبادی ایجنڈا نا رِد اٹ کروک قول تیا مروک پیش رفت نا جاچ ءِ ہلنگ، پیش بروک آ ویل آتیا سجفنگ و الس اٹ میڈیا نا بھرمی کڑد ءِ پین سوگو کننگ ئس۔ دا وخت آ تران کرسا صدر کوئٹہ پریس کلب عرفان سعید پارے کہ آبادی، جانجوڑی و شونداری اسہ ایلو تون ہمگرنچ ءُ، ہندا سوب آن مدامگی شونداری نا مسخت آتیٹی سرسہبی کن آبادی نا بابت پالیسی تیا بھرمی عملدرآمد المی ءِ۔