قطر اٹی تفوک میرات آتیان 6 ارب ڈالر پدی تننگرہ، مسعود پزشکیان
Get real time updates directly on you device, subscribe now.
ایران نا صدر مسعود پزشکیان پارینے کہ قطر اٹی تفوک اونا 12 ارب ڈالر نا میرات آتیٹی 6 ارب ڈالر پدی تننگرہ۔ ایرانی سرکاری خبر رساں ادارہ نا رِد اٹ صدر مسعود پزشکیان پارینے کہ امریکہ تون مروک نیمہ معاہدہ غان پد تیل و پیٹروکیمیکل بشخ آتیا ساڑی رکھ آتے ٹی نرمی بسنے، ہرانا سوب آن دا تفوک میرات آتا پدی تننگ پک مریک۔ او پارے کہ قطر اٹی ساڑی ایران نا جم 12 ارب ڈالر نا میرات آتیٹی بنائی ریسہ ٹی 6 ارب ڈالر ایران ءِ تننگرہ۔ او پارے کہ دا پیشرفت امریکہ و ایران نا نیام اٹی داسہ نا نیمہ معاہدہ نا رِد اٹ پک مسنے، ہرانا مسخت ہڑتوم آ ملک آتا نیام اٹی جھیڑہ غاتا مدامگی ایسری کن کسر اس آوار کننگ ءِ۔