بلوچستان تون تعلقدار میڈیکل نا خواہندار طالب علم آتے کن مستائی
Get real time updates directly on you device, subscribe now.
بلوچستان تون تعلقدار میڈیکل نا خواہندار طالب علم آتیکن اسہ جوان ءُ پیش رفت اس مون آ بسنے۔ پاکستان میڈیکل اینڈ ڈینٹل کونسل (پی ایم ڈی سی) بلوچستان ڈومیسائل تخوک آ طالب علم آتا آسراتی کن اسلام آباد اٹی ہم ایم ڈی کیٹ (MDCAT) نا اسہ ودکی امتحانی ہند اس جوڑ کننگ نا فیصلہ کرینے، ہراڑان طالب علم آتے امتحان اٹی بشخ ہلنگ کن جوان آسراتی رسینگک۔ پی ایم ڈی سی نا کنڈ آن جاری مروک پبلک نوٹس نا رِد اٹ بولان یونیورسٹی آف میڈیکل سائنسز اسلام آباد اٹی بلوچستان نا طالب علم آتیکن ودکی ایم ڈی کیٹ ٹیسٹ سینٹر جوڑ کننگک۔ پبلک نوٹس اٹی پاننگانے کہ دا ودکی امتحانی ہند آن بیرہ بلوچستان ڈومیسائل تخوک آ طالب علم آک فائدہ ہرفنگ کیرہ۔ پی ایم ڈی سی تعلقدار طالب علم آتے پارت کرینے کہ او تینا رجسٹریشن ءِ کونسل نا ویب سائٹ آ ساڑی آن لائن پورٹل نا کمک اٹ پک مروک وخت اٹی پورو کیر۔ نوٹس نا رِد اٹ ایم ڈی کیٹ یک شنبے، 16 اگست آ سہب انا 10 بجہ غا مچ آ ملک اٹی اسہ وخت آ اڈ تننگک۔