دہشت گردی نا چٹفنگ کن گام گیج کننگ انگ ءِ، سیدال خان ناصر

ڈپٹی چیئرمین سینیٹ سیدال خان ناصر کراچی ٹی رینجرز کیمپ آفس آ مروک آ دہشت گرد جلہو نا سخت انگا لوز آتیٹی مذمت ءِ کرسا اودے لغور وخار کڑزوک کارروائی اس گوندانے۔ تینا بیان اٹی ڈپٹی چیئرمین سینیٹ پارے کہ ساڑی حکومت ملک آن دہشت گردی نا پورو چٹفنگ وامن نا برجائی کن ہر وڑ انا گام گیج کننگ اٹی ءِ۔ او پارے کہ دہشت گرد تپہ غاک تینا گندہ غا مسخت آتیٹی ہچبر سرسہب مفسہ و مچ آ قوم تینا سیکورٹی فورس و کانود نافذ کروک ادارہ غاتتون اوار اسہ چِر اٹ سلوک ءِ۔ سیدال خان ناصر پارے کہ سیکورٹی فورس آک دہشت گردی نا برخلاف جنگ اٹی بے مٹ قربانی تسنو و نن تینا شہید آتا بھلا قربانی تے اسُل زیان مننگ کن اِلیپنہ۔